حلى الاوريو بالشعريه

المقادير :

1- جالكسي ساده

2- شعيريه باكستانيه

3- أوريو

4- حليب نستله

5- قشطه


الكميه اللي سويناها كانت 27 كاس وحطينا 5 جالكسي & 5 باكيتات اوريو & كيسة الشعيريره كامله ,, يعني تقررين كمية المقادير حسب العدد اللي بتسوينه من الكاسات .




الطريقه :


اول شئ ناخذ الكاسات الصغيره الورق حقت القهوه اللي ناخذها للطلعات


نذوب الجالكسي في حمام مائي ,, ونصبه في الكاسات (الكميه وسط مو كثيره ولا قليله) ونحطها بالفريزر فتره بسيطه بس تجمد ,, عشان نحط الطبقه الثانيه .




نجيب الشعيريه ونكسرها ونحمسها مع شوية زبده وبعدين نحط عليها نستله ونخلطهم مع بعض لين تتجانس ,, بعدها نطلع الكاسات من الفريزر ونحط الشعيريه فيها (على الجالكسي)..



نطحن الاوريو ونعجنه بقشطه (الكميه اللي تحتاجينها ) لين تشوفينها صارت زي العجينه يعني تتشكل بيدك ما تتفتفت ,, ونحطه في الكاسات على طبقة الشعيريه.



ونحط الكاسات في الثلاجه ,, واذا مستعجله عليها حطيها بالفريزر .


ملاحظه :اذا طلعتي الكاسات من الثلاجه على طول يطلع معك الحلى وابدا ماتعبني وما احتجت اكسر الكاسات عشان تطلع ,, بس طقيها من تحت الا هي طالعتلك (سبحان الله) اهم شي الكاسات تكون ورق مو بلاستيك ..